Reshjet e dëborës, por dhe mungesa totale e shtetit në rrugët e Shqipërisë ka bërë që prej më shumë se 1 ore rruga Librazhd- Qafë Thanë të mbetet e bllokuar nga trafiku.
Mungesa e borëpastruesve në rrugë, por edhe mungesa e policisë rrugore për tu ardhur në ndihmë drejtuesve të mjeteve ka bërë që me qindra makina të mbeten të bllokuara në këtë aks rrugor duke e bërë trafikun kilometrik.
Siç shihet edhe në fotot e mbërritura në redaksinë e Boldnews.al radha e mjeteve në rrugë ëhstë shumë e gjatë.
Nërkohë që qyetetarët denoncojnë mungesën totale të shtetit, ku jo vetëm forcat e policisë, por as punonjësit e mirëmbëjtjes së rrugëve apo dhe punonjësit e kompanisë që duhet të pastronin dëborën apo të hidhnin kripë mbi rrugë nuk duken gjëkundi.
Ndërkohë kujtojmë se e njëjta situatë është në të gjithë territorin, pasi bora ka bllokuar rrugët, ndërsa shteti po ‘ngrohet’ pranë zjarrit.
Ja situata në Librazhd – Qafë Thanë (Foto):
