Karantinimi për shkak të pandemisë së koronavirusit ka bërë që Jennifer Lopez dhe i fejuari i saj, Alex Rodriguez, të nisin një terapi për të ruajtur marrëdhënien e tyre. Këngëtarja 51-vjeçare tha se marrëdhënia e tyre prej katër vitesh ka funksionuar nga komunikimi dhe këshillimi me njëri-tjetrin, por tensionet u rritën gjatë izolimit, shkruan “Mirror”.
Teksa fliste për “Allure” për mënyrën se si çifti e ka përballuar pandeminë, Jennifer tha: “Ne kemi punuar për veten tonë. Bëmë terapi. Mendoj se ishte vërtet e dobishme për ne dhe marrëdhënien tonë”.
Më parë, aktorja ka rrëfyer se e ka pasur të vështirë të mësohej me ritmin e ri të jetesës nga koronavirusi. Nga ana tjetër, ajo tha se partneri i saj nuk e ka pasur problem, pasi i pëlqente të qëndronte në shtëpi, të kalonte kohë me fëmijët e të zhvillonte biseda në “Zoom”.
Jennifer kishte planifikuar një dasmë të madhe para pandemisë, por tashmë çdo gjë është shtyrë për më vonë.
