Nëse kjo stinë ju ka gjetur të mbërthyer brenda në shtëpi, të stresuar dhe të lodhur, ka të ngjarë të vuani nga e ashtuquajtura depresion dimëror.
Temperaturat e ftohta bëjnë të jeni më pak produktivë dhe energjikë. Si rezultat, ndiheni të stresuar dhe të pamotivuar për të bërë çdo gjë.
Por sipas “Bright Side” ka disa gjëra që mund të bëni për të mos përfunduar në këtë gjendje.
Reduktoni kohën e ekspozimit ndaj dritës blu.
Ritmi juaj cirkadian ngatërrohet për shkak të dritës blu. Lirimi i melatoninës ngadalësohet kur jeni i ekspozuar ndaj dritës për një kohë të gjatë. Nëse mbani afër telefonin para se të flini, kur të zgjoheni do të ndiheni të lodhur. Drita blu mund të gjendet në pajisjet si telefoni, kompjuteri, TV. Sigurohuni që ta shmangni përdorimin e teknologjisë të paktën një orë para se të flini.
Vishu bukur pa ndonjë arsye.
Të mos kujdesesh për veten kur ndihesh keq është një gabim që njerëzit bëjnë zakonisht. Jo vetëm që do të ndiheni në depresion por edhe të çrregullt. Zgjidh një veshje të këndshme që ju pëlqen shumë, kushtojini rëndësi lëkurës dhe rregullo flokët. Në fund të këtoj rituali të vetë-kujdesit, do të ndiheni më të motivuar për të vazhduar ditën tuaj.
Kërceni si i çmendur.
Nëse nuk mund t’i përshkruani emocionet me fjalë, bëjeni atë përmes lëvizjes. Ju mund të vrisni 2 zogj me 1 gurë ndërsa stërviteni dhe përmirësoni humorin. Kërcimi çliron endorfinë (hormonet e lumturisë) që ju ndihmojnë të shmangni depresionin. Përveç kësaj, vallëzimi mund të jetë një pushim i këndshëm nga detyrat e mërzitshme.
Krijoni një tabelë vizioni.
Një tabelë vizioni është në thelb një kolazh i përbërë nga foto, tekst ose vizatime. Shërben si motivim i përditshëm për t’i bërë ëndrrat realitet. Një tabelë vizioni do t’ju ndihmojë të kuptoni se çfarë doni nga kjo jetë. Vetëm të mendosh për të ardhmen tënde të ndritur dhe suksesin mund të të gëzojë.
Krijoni hapësirën tuaj.
Vetëm imagjinoni se ndiheni të lodhur dhe të pamotivuar për të punuar. Hapësira juaj e rrëmujshme shton ndjenjën tuaj të përgjithshme të lodhjes. Vendosni një kohëmatës për të paktën 5 minuta dhe vendosni se cilën zonë duhet të pastroni. Mund të jetë një tavolinë apo edhe shtrati juaj. Ju do të filloni të hidhni mbeturinat së bashku me negativitetin tuaj. Ndoshta do të vendosni edhe muzikë, do të bëni një kërcim të vogël dhe do të përmirësoni humorin.
Bëni një pushim nga rrjetet sociale.
Është tepër zhgënjyese të shikosh jetën “perfekte” të të gjithëve në internet, veçanërisht kur ndihesh i dëshpëruar. Pse të torturosh veten? Prandaj, thjesht fshini llogaritë e mediave sociale që ju bëjnë të ndiheni keq. Edhe shkenca mund ta mbështesë këtë sugjerim: njerëzit që janë të ekspozuar ndaj mediave sociale ndihen më të vetmuar dhe më të dëshpëruar.
Dil nga shtëpia.
Është kaq joshëse të qëndrosh nën atë batanije me gëzof për pak më gjatë, por do të biesh në grackë dhe do të ndihesh edhe më keq. Provoni të merrni pak ajër të pastër. Është provuar shkencërisht se rrezet e reduktuara të diellit prodhojnë nivele të larta të melatoninës. Me pak fjalë, kjo është ajo që shkakton “depresionin e dimrit”.
