Zhvillime të reja lidhur me hetimet ndaj gjyqtares së Krujës, Enkelejda Hoxha, arrestuar këtë të Enjte.
Raportohet se gjatë kontrolleve nga policia, në një prej banesave të saj është gjetur një shumë prej rreth 10 mijë dollarësh, që është sekuestruar nga efektivët. Partë dyshohet se janë marrë në formë ryshfeti nga gjyqtarja.
Ndaj Hoxhës rëndon akuza për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, kryer në bashkëpunim.
Sipas hetimeve të SPAK, gjyqtarja në bashkëpunim me të tjerë persona, kishin krijuar “një skemë e mirëfilltë kriminale”, sipas së cilës, persona të dënuar që vuanin dënimin në burgun e Fushë Krujës përfitonin ulje dënimi kundrejt ryshfetit.
