Thuajse i gjithë territori i vendit do të përfshihet nga reshje dëbore gjatë fundjavës.
Meteoalba bën me dije se reshjet do të prekin 95% të Shqipërisë dhe sasi në zonat veri-lindore dhe jug-lindore pritet të jetë 30-50 centimetër.
Reshjet e dëborës pritet të shoqërohen edhe me temperatura të ulta, rënia e të cilave do të fillojë nga e premtja dhe do të vijojë përgjatë të shtunës dhe të dielës si edhe në fillim të javës së ardhshme.
Meteoalb njofton se reshje dëbore pritet të bien edhe në Tiranë dhe Durrës gjatë mbrëmjes së të shtunës dhe orëve të para të së dielës.
