Merkato e dimrit te Partizani është konsideruar si pozitive nga analistët sportivë dhe jo vetëm. Së fundmi nga Azerbajxhani ka folur Jurgen Goxhaj. Ky i fundit deklaroi se të kuqtë do të jenë skuadëra për t’u mundur në gjysmën e dytë të sezonit.
Pikërisht ekipi në të cilin bëjnë pjesë dy miqtë e tij, Donald Mëllugja dhe Valentino Murataj, vlerësohet maksimalisht edhe nga ish qendërmbrojtësi i mallakastriotëve.
“Doja të thoja diçka dhe për Partizanin. Shpresoj që Partizani, jo shpresoj se unë jam tifoz i Tiranës, por mendoj se kjo skuadër do të jetë ekipi për t’u mundur në fazën e dytë“, tha Goxhaj në një lidhje skype me gazetarin Drilon Xhepollari.
Kjo deklaratë është shpërndarë në rrjetet sociale nga lojtari i Partizanit, Valentino Murataj. Ky i fundit duket i dashuruar me të kuqtë teksa shkruan: “Flet bukur kur do Cuku”, duke pëlqyer fjalët e shtatlartit se Partizani është skuadra për t’u mundur në këtë pjesë të dytë të sezonit. /Newsport.al
