Rikthimi i reshjeve të dendura të shiut gjatë mbrëmjes së djeshme ka sjellë edh problematikat e para në ti gjithë vendin.
Në Elbasan, reshjet intensive kanë shkaktuar rënie inertesh dhe aluvionesh në disa akse rrugore. Si pasojë e bllokimit të një kanali në Labinot Fushë, një biznes privat ka hasur me prezencë uji.
Në Njësitë Administrative Kodovjat të Gramshit, Shalës në Cërrik dhe Përparim në Peqin, ka pasur ndërprerje të energjisë elektrike.
Problematika ka pasur edhe në qytetin e Fierit, ku lumi i Gjanicës që përshkon qytetin ka sjellë ndotje të shumta. Situata në lumenj deri më tani paraqitet brenda normaleve dhe nuk paraqitet rrezikshmëri në daljen e tyre nga shtrati.
