Policia ka ushtruar kontrolle së fundmi për evidentimin dhe goditjen e aktivitetit të kundraligjshëm të lojërave të fatit.
Sipas informacioneve një rast është evidentuar në Maqellarë të Dibrës, ku në lokalin e Sh.M., 58 vjeç, u gjetën dhe u sekuestruan 4 pajisje elektronike me të cilat dyshohet se ushtronte aktivitetin e kundraligjshëm të lojrave të fatit.
“Në përfundim të veprimve hetimore nga specialistët për Hetimin e Krimit në Komisariatin e Policisë Dibër u procedua penalisht në gjendje të lirë shtetasi Sh. M., 58 vjeç, për veprën penale “Organizim i llotarive të palejuara””, njofton policia.
Ndërkohë kontrolle policore ka pasur edhe në Kukës në 20 lokale, ku u konstatua se në qytetin e Bajram Currit u arrestua në flagrancë shtetasi J. B., 28 vjeç, banues në fshatin Shoshan, për veprat penale “Organizimi i lotarive të palejuara” dhe “Fshehja e të ardhurave”, pasi në ambientet e një lokali që kishte marrë me qira ushtronte aktivitetin e kundërligjshëm të lojërave të fatit.
Gjatë kontrollit në lokal u gjet dhe u sekuestrua një pajisje minigaminator, e cila shërbente për ushtrimin e lojërave të palejuara të fatit. Gjithashtu, u procedua në gjendje të lirë pronari i lokalit, shtetasi D. M., banues në fshatin Rosujë, për veprën penale “Vënia në dispozicion e lokaleve për lojëra të palejuara”.
