Një operacion blic i Policisë italiane u zhvillua në Comasina të Milanos, një pikë për shpërndarjen e drogës në të gjithë Italinë veriore. Gjatë operacionit u arrestuan disa shqiptarë, që dyshohet se drejtonin trafikun dhe dy grupe italianësh që kryenin shpërndarjen në territor.
Policia italiane arrestoi 18 persona dhe 6 të tjerë u vunë në arrest shtëpie në Milano, Monza, Torino, Bergamo dhe Sassari.
Aktiviteti hetimor, i kryer nga policët e rajonit të Comasina, filloi me kontrolle në territor dhe me dëshmitë e disa të penduarve.
Hetimi zbuloi tre nivele të tregtisë dhe trafikimit të drogës në veri të Milanos.
Dy grupe individuale njerëzish të përkushtuar në shitjen e drogës në zonë dhe një grup i tretë, shtetas shqiptarë, të cilët administronin trafikun dhe shpërndanin kokainë, hashash dhe marihuanë në sheshet milanese, u identifikuan.
Gjatë hetimit, policët zbuluan qindra konsumatorë, konfiskuan makina, stoli dhe para.
Midis pronave nën konfiskim ekziston edhe një shkollë hipizimi dhe kuaj, të blerë nga të dyshuarit me të ardhurat e trafikut.
