Nga BoldNews.al
Ministrja e Drejtësisë, Etilda Gjonaj, ka urdhëruar kryerjen e një tenderi për të larë dy automjetet me të cilat qarkullon në Tiranë dhe rrethe. Mimistrja “modele” ka kërkuar që automjetet të lahen plot 17 herë në muaj. Me paratë e taksapaguesve shqiptarë, Gjonaj ka lëvruar disa mijëra euro për luksin e saj.
Në fakt, edhe dy automjetet me të cilat lëviz janë vërtetë luksozë, një “Mercedes Benz”, modeli S dhe një foristradë “Toyota”. Me këto automjete, Gjonaj, e cila del gjithmonë e kuruar në publik, madje disa e cilësojnë edhe si “modelja” e qeverisë, është parë të shkojë në parlament. Duket se pluhuri i Tiranës e ka detyruar Gjonajn që të lajë automjetet sa herë lëviz.
Sipas dokumenteve që disponon BoldNews, tenderi i Gjonajt ka si objekt “larje automjete të apadatit të Ministrisë së Drejtësisë”. Automjeti i parë është me targa AA 392 PL, është një mjet tip “Toyota Rav 4”. “Mjeti të lahet brenda dhe jashtë rreth 17 herë në muaj. Gjithsej, deri në 31 dhjetor 2021, do të lahet 187 herë” thuhet në dokumentet.
Sipas disa fotove në media, këtë mjet e përdor pikërisht ministrja Etilda Gjonaj. Por, ajo është parë të qarkullojë edhe me një mjet me targë AA 320 TT, i tipit “Mercedes-Benz S 350”, tepër luksoz. Edhe për këtë mjet kërkohet që të lahet brenda dhe jashtë, rreth 17 herë në muaj, ndërkohë deri në 31 dhjetor 2021 do të lahet 187 herë.
Në tender janë të listuara edhe disa mjete të tjera që përdorin drejtorët dhe shefat e ministrive, mjete të cilat do të lahen vetëm 4 herë në muaj.
“Sherbimi i kërkuar do të realizohet për periudhën nga data e nëshkrimit të kontratës deri në datën 31 dhjetor 2021”, thuhet në këto dokumente.
Më tej thuhet se automjetet, çdo herë do të lahen brenda dhe jashtë, me pastues të posaçëm me detergjent për larje automjetesh, si dhe në fund të larjes të përdoret dhe aromatizues. Ndërkohë, kërkohet që fituesi të ketë leje mjedisi C për larje dhe pastrim automjete motorike. Ndërkohë, fituesi duhet të jetë në Tiranë.
