Rusia shpalli të Hënën si person të padëshirueshëm sekretarin e parë të ambasadës shqiptare në Moskë.
Përmes një njoftimi për mediat, bëhet me dije se Yonida Drogu duhet të largohet nga Rusia brenda 72 orëve.
“Ky hap u mor nga pala ruse në përgjigje të vendimit të Shqipërisë për të dëbuar nga vendi nën një pretekst plotësisht të sajuar të sekretarit të parë të Ambasadës Ruse në Tiranë”, shkruhet në njoftimin e autoriteteve ruse.
Në 21 janar, qeveria shpalli si person të padëshirueshëm, një diplomat rus në Tiranë për shkelje të përsëritur të masave kundër COVID-19.
Personi në fjalë i ka shkelur në mënyrë të vazhdueshme rregullat prej prillit të vitit 2020.
