Kryeministri Edi Rama u shpreh këtë të Hënë se ka sinjale të arsyeshme mbi hyrjen në Shqipëri të varienteve të reja të virusit Covid-19.
“Jemi në një konferencë të pazakontë. Arsyeja lidhet me domosdoshmërinë për të përcjellë një mesazh të qartë te të gjithë qytetarët e këtij vendi në kushtet kur po shohim një rritje të numrave të infektimeve, kur kemi sinjale të arsyeshme mbi hyrjen në Shqipëri të varianteve të reja të virusit Covid-19. Po rritet infektimi i moshave më të reja dhe po ulet edhe mesatarja e moshës së të shtruarve në spitale”, tha Rama në një komunikim online me gazetarë, ndërsa bëri apel për respektimin e masave për të parandaluar përhapjen e koronavirusit.
