Rreth 150 punonjës të Rafinerisë së Fierit kanë protestuar sot me pretendimin se kanë 3 muaj pa marrë rrogat. Ata kanë bllokuar hyrjen e uzinës, duke mos lejuar nisjen e punës
Rreth 150 punonjës të Rafinerisë së Fierit kanë protestuar sot me pretendimin se kanë 3 muaj pa marrë rrogat. Ata kanë bllokuar hyrjen e uzinës, duke mos lejuar nisjen e punës këtë mëngjes. Sipas tyre, kompania nuk u ka apguar atyre pagat e prapambetura të 3 muajve të fundit si edhe siguracionet e 15 muajve, pasi kanë punuar deri tani në të zezë.
Punonjësit deklarojnë se mbahen në punë pa kontrata dhe siguracione dhe pasojat po i vuajnë ata që kanë arritur moshën për të dalë në pension. Sipas tyre pagat ndahen natën dhe lekët vijnë me thasë. Kjo nuk është hera e parë që ata protestijnë, ku e fundit është shënuar rreth 1 muaj më parë.
Rafineria e Fierit u dha me qira një vit më parë pas kolapsit financiar të Armos. Pas rihapjes së saj punonjësit rezultojnë të pasiguruar, ndërkohë që pagat e 3 muajve të fundit nuk i kanë marrë.
