Banorët e Wuhan-it i janë mirënjohës mjekut i cili i pari paralajmëroi për virusin Corona, dhe pastaj ai vetë u bë viktimë e COVID-19, nga e cila vdiq një vit më parë, raporton Reuters.
Li Wenliang, një okulist në Spitalin Wuhan, u bë një nga figurat më të shquara në ditët e para të epidemisë kur u përpoq të paralajmëronte shfaqjen e Corona-s, por u hesht nga policia ndërsa ai “përhapte thashetheme”.
Vdekja e 34-vjeçarit nga virusi më 7 shkurt 2020 bëri që banorët të mbanin zi kombëtare dhe në rrjetet sociale ndryshuan fotografitë duke vendosur shiritin e zi ne shenjë mirënjohje për mjekun. Disa ditë më vonë Zhong Nanshan, një epidemiolog i njohur, u përlot gjatë një interviste për Reuters ku e cilësonte Li Wenliang një “hero të Kinës”.
Por kur Presidenti Xi Jinping u dha homazhe “heronjve të luftës së popullit” kundër virusit në shtator, ai nuk përmendi kontributin e Li.
Edhe pse njerëzit në rrugët afër spitalit ku punonte Li thonë se jeta në qytet kryesisht është kthyer në normalitet, ata e respektojnë Li për veprimet e tij.
Gazetarët e Reuters vizituan zonën e spitalit të shtunën dhe agjencia britanike e lajmeve tha se reporterët u ndoqën nga dy burra me rroba civile që prezantuan veten si “siguri parkimi”, e parandaluan kameramanin të filmonte hyrjen në spital.
“Ai ishte i pari që na informoi për virusin,” tha Li Pan, 24 vjeç, pronar i një dyqani në internet. “Ai me siguri e dinte që do të kishte një ndikim të madh, por gjithsesi ai ngriti alarmin. Kjo ishte me të vërtetë e guximshme”, shtoi ai.
Ekspertët nga Organizata Botërore e Shëndetësisë (OBSH) po qëndrojnë në Wuhan ku po hetojnë fazat e hershme të shpërthimit të Corona-s dhe po përgatiten të publikojnë gjetjet e tyre, i tha të premten anëtarit të ekipit Dominic Dwyer.
Çështja e origjinës së virusit është politizuar shumë, dhe disa diplomatë kinezë dhe media shtetërore mbështesin teoritë se virusi potencialisht erdhi nga një vend tjetër.
Megjithëse 80-vjeçari Qian Wende nuk e di origjinën e virusit, ai e konsideron Li një hero dhe thekson: “Ne duhet të shënojmë kontributin e tij në luftën kundër pandemisë”.
