Çfarë marrëveshje mund të lidhë qeveria për programet fason? Pyetja iu bë kryeministrit Edi Rama këtë të Shtunë gjatë një aktiviteti në Gjirokastër.
Rama iu përgjigj se “nuk e di”.
“Po të ishte Luli këtu do ta jepte një përgjigje. Unë po të them nuk e di, nuk e kam një përgjigje për këtë. Po të jap fjalën se do të interesohem për këtë pyetje. Ne nuk jemi pjesë e një programi të tillë sot, por të jap fjalën se do të interesohem se më intrigon shumë pyetja, por do interesohem e me siguri do të kem shumë shpejt një përgjigje. Kur nuk e di nuk e di, më mirë të them nuk e di se të bëj kot. Unë mësoj, nuk jam ekspert, mësoj, por për këtë profil nuk e di”, tha kreu i qeverisë.
