Një përpjekje për grabitje u parandalua në kohë nga policia italiane, ndërsa një 42-vjeçar shqiptar me iniciale L.S, përfundoi në pranga.
“Më jep paratë ose të futa në lavatriçe”, ky ishte kërcënimi që shqiptari i kishte bërë një punonjësi të ri në një lavanderi në zonën e Testaccio-s në Romë.
Ngjarja ka ndodhur pak ditë më parë.
Policia mori një telefonatë se dy persona po përlesheshin midis tyre.
Nga këqyrja e kamerave të sigurisë u vu re se punonjësi i dyqanit ishte sulmuar, goditur me dhunë në fytyrë, si dhe ishte përplasur për makinën larëse.
Shqiptari u arrestua për tentativë vjedhjeje, ndërsa u dërgua në stacionin policor “Celio”.
