Një shpërthim i fortë ka tronditur banorët e Fushë-Krujës pasditen e sotme.
Një sasi lënde eksplozive i është vendosur një mjeti, i cili ka shpërthyer në qendër të qytetit.
Për pasojë janë dëmtuar edhe dy automjete që ndodheshin pranë kësaj makine.
Ngjarja ka ndodhur rreth orës 17:45, në kohën kur automjeti që ka shpërthyer ndodhej para Shtëpisë së Oficerëve në Fushë-Krujë.
Nuk raportohet për persona të lënduar, ndërsa drejt vendngjarjes janë nisur forcat e policisë.
Ende nuk dihen motivet e ngjarjes, ndërsa hetimet paraprake pritet të hedhin më shumë dritë mbi ngjarjen.
