Policia e Sarandës ka arrestuar dy shtetase për shkak se kishin kryer veprën penale ” Vjedhje duke shpërdoruar detyrën”.
Të arrestuarat me inicialet R.H 25 vjeçe dhe A.M 36 vjeçe janë proceduar penalisht nga policia pasi në bashkëpunim me njëra-tjetrën kanë vjedhur artikuj të ndryshëm në një supermarket ku punonin në qytetin e Sarandës.
Njoftimi i Policisë:
Specialistët për Hetimin e Krimeve në Komisariatin e Policisë Sarandë kanë arrestuar në flagrancë shtetasen R. H., 25 vjeçe dhe kanë proceduar penalisht shtetasen A. M., 36 vjeçe, për veprën penale “Vjedhja e kryer duke shpërdoruar detyrën”, pasi në bashkëpunim me njëra-tjetrën, kanë vjedhur artikuj të ndryshëm në një supermarketin ku ishin të punësuara, në Sarandë.
