Këngëtari i njohur, Rati është rikthyer në tregun muzikor me një baladë pas 15-vitesh. “Nostalgjia” është titulli i këngës, videoklipi i të cilit është xhiruar në Stamboll.
“15 vite që rikthehem me baladë, e fundit ka qenë ‘Një medalje ka dy anë’. Teksti është punuar nga Edlir Begolli, ndërsa klipi është xhiruar në Stamboll. Është shumë e vështirë të xhirosh me njerëz se një pjesë nuk kanë qejf të dalin, një pjesë po, varet sipas skenarit. Mua më ngjisin baladat, u bën shumë vite që s’kam bërë, po erdhi koha të rikthehesha. Faktikisht në treg janë më shumë ritmiket, por për një thyerje duhen baladat”, tha ai i ftuar në “abc e mëngjesit”.
Gjithashtu Rati u shpreh se i mungojnë mbrëmjet me muzikë live, duke zbuluar se shifra më e madhe që ka fituar ka qenë 100 milionë lekë në Laç.
“Më ka marrë mall për kohën kur hidhej leku letër. Jo vetëm mua, po të gjithë artistët e live për kohën kur nisje dhe hidhej leku nga lart. Shifra më e madhe që kam fituar është 100 milionë lekë me gjithë grupin në Laç. I përshëndes shumë ‘naçut”, përfundoi ai.
