Autoritetet shëndetësore në Kosovë kanë regjistruar të Martën 245 persona të infektuar me koronavirus, pas 2 615 testimeve.
Instituti Kombëtar i Shëndetësisë Publike ka njoftuar se në 24 orët e fundit janë regjistruar tre viktima me këtë virus.
“Rastet e vdekjes janë nga komunat: Mitrovicë 1 rast (64 vjeç), Podujevë 1 rast (76 vjeç) dhe Suharekë 1 rast (62 vjeç)”, thuhet në njoftim.
Sipas IKSHPK-së, nga COVID-19, të Martën janë shëruar 189 persona, ndërsa raste aktive janë 6,429.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 60.745 persona të infektuar.
Prej tyre, 1,506 pacientë kanë vdekur.
