Dy adoleshentë janë konfliktuar me njëri -tjetrin gjatë pushimit të gjatë në shkollë ku njëri prej tyre mbeti i plagosur me thikë.
Fillimisht ata janë grindur duke iu drejtuar njëri tjerin me fjalë fyese në rrjetin social Facebook.
Almir Biçaku, 17 vjeç, nxënës i shkollës së mesme në Karavasta të Divjakës, ka ngelur i plagosur me thikë nga bashkëmoshatari i tij.
Ai dhe Erkan Pira, i arrestuar tashmë nga policia, kanë shkëmbyer filimisht fjalë fyese në Facebook.
Më pas janë takuar në orën e pushimit. Pira i ka kërkuar të dalë jashtë shkollës dhe menjëherë e ka goditur me thikë tre herë. Ai është larguar, por është arrestuar më vonë nga policia.
I plagosuri ndodhet në spitalin e Lushnjës jashtë rrezikut për jetën.
