Kryetarja e LSI-së Monika Kryemadhi ka vlerësuar vendosjen e marrëdhënieve diplomatike Kosovë-Izrael duke e quajtur një zhvillim tjetër pozitiv në procesin shumë të rëndësishëm të njohjeve të shtetit të Kosovës.
Gjithashtu Kryemadhi ka shprehur mirënjohjen ndaj Shteteve të Bashkuara të Amerikës për rolin e veçantë në këtë arritje.
Postimi i plotë i Monika Kryemadhit:
Përshëndes vendosjen e marrëdhënieve diplomatike Kosovë-Izrael. Një zhvillim tjetër pozitiv në procesin shumë të rëndësishëm të njohjeve të shtetit të Kosovës. Mirënjohje Shteteve të Bashkuara të Amerikës për rolin e veçantë në këtë arritje. Urojmë që procesi i njohjeve të vazhdojë me një ritëm sa më të lartë, për të realizuar sa më shpejt, anëtarësimin e Kosovës me të drejta të plota në të gjitha institucionet evropiane dhe ndërkombetare.
