Në Qedrën Spitalore më të madhe në vend, në QSUT mungon tetanozi.
Sipas denoncimit të ardhur në Ora News, pacientët kthehen pas pa kryer injeksionin e serumit antitetanik në urgjencën e infektivit. Mjeku thotë se tetanozi ka mungesë edhe në treg.
Në qëndrën spitalore universitare “Nënë Tereza” mungon Tetanozi, sipas denoncimit të ardhur në Ora News.
Përdorimi i këtij serumi është shumë i rëndësisëhm ne rastet e urgjencës për persona te kafshuar nga qente endacakë apo të lenduarve me gozhdë ose mjete të ndryshkura në punë.
Ky pacient me plagë në këmbë kërkoi ndihmën e televizionit Ora News dhe mundësoi filmimin e komunikimit në urgjencën e infektivit në QSUT për të evidentuar që në këtë spital nuk ka tetanoz. Ishte hera e dytë brenda ditës ku pacienti kërkoi ndihmën e mjekut për kryjen serumit antitetanik.
Gazetari: Doktor?
Mjeku i Urgjencës: Po ia shpjegova mo, ia shpjegova pas orës nje e gjysmë.
Gazetari: Doktor ka dy ditë me…
Mjeku i Urgjencës: Duhet tetanoz pra të tashë, ia shpjegova dhe nonës..
Gazetari :Ku të marrin tetanoz?
Mjeku i Urgjencës: Po nuk ka more në qarkullim, nuk ka në treg prandaj të thashë hajde pas orës nje e gjysmë. O çun a ta shpjegova? Po ka dhe mbrëmë në darkë vjen prap tashi se s’mund ta fus këtu me grip me gjëra. Do vijë i sëmuri me 40 nesër. Nuk ka more, nuk ka asnjëlloj furnizimi
Mjeku i përsërit me shqetësim pacientit se tetanozi mungon prej 3 ditëve dhe nuk është në qarkullim.
Gazetari: Djali tha se sëpata ka qenë me ndryshk
Mjeku i Urgjencës: O zotëri do tja bëj tetanozin, por nuk ka aktualisht. Ti po vjen tashi kur unë i sqarova.
Gazetari: Në rregull
Mjeku i Urgjencës: Ja ku e ke..përgjegjësia te Ministria, unë jam punëtor i thjeshtë.
Gazetari: Mund ta gjej jashtë
Mjeku i Urgjencës: Ore nuk ka asnjë qarkullim, nuk ka as në treg, me shqip se i fola
Duke e kërkuar përgjegjësinë tek ministria e Shëndetësisë per mungesën e furnizimit me medikamente dhe injeksione të tilla, pacienti largohet pa e kryer serumin antitetanik. Në rast se ky serum nuk injektohet brenda 48 orëve ekziston risku si infeksioni përhapet dhe jeta e pacientit është në rrezik.
Ora News kontaktoi më ministrinë e Shëndetësisë, burimet zyrtare pranë këtij insitutcioni bënë me dije se tetanozi nuk është urgjencë, cka do të thotë se ka mungesa të përkohëshme por gjendet në depo. /Ora news/
