Autoriteti Rrugor Shqiptar (ARRSH) njofton se gjatë natës kanë filluar reshjet në të gjithë territorin por pa sjellë probleme të mëdha me qarkullimin.
Sipas njoftimit të ARRSH-së, ka pasur rënie materialesh në segmentet: Kukës-Ura e Zapodit, Librazhd-Elbasan, Elbasan-Gjinar, Skuraj-Burrel, ku është punuar për pastrimin e rrugës me mjete e punëtorë.
“Aktualisht po vazhdon qarkullimi normal në të gjitha akset kombëtare dhe se kontraktorët janë në gatishmëri për përballimin e çdo situate që mund të paraqitet”, raporton ARRSH.
