Një person ka humbur jetën pasi banesa e tij është përfshirë nga flakët. Ngjarja ka ndodhur në Golem këtë mëngjes, ndërsa viktima është një 85-vjeçar.
“Rreth orës 07:20, në Golem-Kavajë, ka rënë zjarr në banesën e shtetasit L.K.. Si pasojë e zjarrit ka humbur jetën shtetasi L. K., 85 vjeç”, njoftoi policia.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes, shtuan të njëjtat burime.
