Një e moshuar në Lushnje është dhunuar një ditë më parë nga dy të rinj, në një përpjekje për të grabitur banesën e saj.
Policia bën me dije se në lagjen “18 Tetori”, 2 shtetas kanë hyrë në banesën e L.Z., 64 vjeçe, i kanë hedhur sprajt lotsjellës në fytyrë, kanë ushtruar dhunë ndaj saj dhe e kanë mbyllur atë në një dhomë të kësaj banese. Më pas kanë kontrolluar në banesë për sende me vlerë, por nuk kanë gjetur dhe janë larguar.
Pas marrjes së njoftimit për ngjarjen, u ngrit grupi hetimor dhe u bë i mundur identifikimi dhe arrestimi i 2 autorëve: J. K., 18 vjeç dhe K. B., 16 vjeçe, të dy banues në Lushnjë.
U sekuestrua në cilësinë e provës materiale sprajti lotsjellës që ata kishin përdorur me qëllim realizimin e vjedhjes.
Ndaj të arrestuarve rëndon akuza për veprën penale “Vjedhja me dhunë” e mbetur në tentativë, e kryer në bashkëpunim.
