Instituti Kombëtar i Shëndetësisë Publike në Kosovë ka regjistruar të Enjten 316 raste të reja me koronavirus, pas 1 652 testimeve.
Sipas këtij Instituti, në 24 orët e fundit, janë regjistruar tre viktima, duke e çuar në 1 482 numrin e të vdekurve me këtë virus, prej kur ka shpërthyer pandemia.
“Rastet e vdekjes janë nga komunat: Prishtinë 2 raste (85, 81 vjeç), Drenas 1 rast (74 vjeç)”, thuhet në njoftimin e këtij Instituti.
Sipas IKSHPK-së, të Enjten, nga COVID-19, janë shëruar 195 persona, ndërsa raste aktive janë 6 109.
Prej 13 Marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 59 304 persona të infektuar me këtë virus.
