Këngëtari dhe moderatori Robert Berisha, një nga djemtë më simpatik dhe më të komentuar të showbizz-it shqiptar, feston sot ditëlindjen. Këngëtari i njohur mbush plot 43 vite jetë, pasi ka lindur më 28 janar 1978.
Roberti është kujdesur gjithmonë për veten, duke mos lënë pas dore palestrën, si dhe dietën ushqimore.
Kujtojmë që dy javë më parë, këngëtari humbi nënën e tij, e cila vuante prej kohësh nga një sëmundje e rëndë dhe nuk mundi ta fitonte betejën me të.
Gjatë kësaj kohe, Roberti e ka kujtuar herë pas here të ëmën, pasi ka publikuar edhe foto me të në rrjete sociale e madje edhe fotoja e profilit të tij në Instagram është pikërisht me të. Për këtë arsye, moderatori vendosi që emisioni “Robi plaket kur don vet”, të jetë në një pauzë sezonale deri më 21 shkurt.
