Norvegjia njoftoi mbylljen e kufijve për pothuajse të gjithë jorezidentët për të shmangur përhapjen e variantit të ri të koronavirusit, më përhapës.
“Duke nisur nga sot, Norvegjia do të prezantojë rregulla më të ashpra për hyrjen në territor që prej 12 marsit”, deklaroi kryeministrja norvegjeze, Erna Solberg në një konferencë shtypi.
“Praktikisht, kufiri do të mbyllet për të gjithë ata që nuk banojnë në Norvegji”, shtoi ajo.
Vendi nordik, që nuk është anëtar i Bashkimit Europian, por i përket hapësirës Shengen për qarkulimin e lirë të personavem do ta rivlerësojë këtë masë çdo dy javë.
Vetëm disa kategori janë të përjashtuara, si personat që mbajnë funskione kritike për shoqërinë (mbrotje, energji…), transporti i personave dhe mallrave, personeli shëndetësor që vjen nga Suedia dhe Finlanda fqinje, apo gazetarët e huaj.
Nga ana tjetër, masa vlen për sportistët e huaj, ndërsa Norvegjia do të presë ngjarje ndërkombëtare të skive në javët e ardhshme.
Mbretëria, e cila ka një nga nivelet më të ulëta të kontaminimeve në Europë, shpjegon dëshirën për të mbajtur nën kontroll situatën shëndetësore.
“Ne po shohim që vendet e tjera kanë kaluar nga shifrat e ulëta të kontaminimeve në përhapjen e pakontrolluar brenda disa javësh, të tilla si Irlanda”, theksoi Solberg
