Presidenti i zgjedhur në Shtetet e Bashkuara të Amerikës, Donald Trump, në një intervistë për CBS deklaroi se planifikon që menjëherë të dëbojë 2-3 milionë emigrantë.
Sipas tij, njerëzit të cilën nuk kanë dokumenta nuk do të qëndrojnë në Shtetet e Bashkuara. “Ajo që ne do të bëjmë është të dëbojmë njerëzit të cilët janë kriminelë dhe kanë një të kaluar kriminale, anëtarët e bandave, tregtarët të drogës. Kjo do të përfshijë një numër prej ndoshta 2 milionë personash, por ajo mund të jetë edhe më e madhe 3 milionë. Do të dëbojmë ata janë këtu në mënyrë të paligjshme”, tha Trump. Ai shtoi se, kur kufiri në SHBA jetë i “siguruar”, zyrtarët përgjegjës të emigracionit do fillojnë procesin me “vendosmëri”, në lidhje me emigrantët e mbetur pa dokumente. Më pas, ai thotë, se pasi kufijtë të jenë siguruar çdo gjë do të normalizohet, kjo do të arrihet në bashkëpunim me popullin amerikanë. I pyetur nëse ai ka në plan të ndërtojë murin përgjatë kufijve të Shteteve të Bashkuara dhe Meksikës, Trump u përgjigj “po”.
