Një plagosje me armë tronditi këtë paradite të së martës qytetin e Vlorës, ku mbeti i plagosur shtetasi Marjon Mitro, personazh i njohur i botës së krimit, pjesëtar i bandës së vrasësist me pagesë Julian Sinanajt.
Në lidhje me këtë ngjarje të rëndë policia e Vlorës ka shoqëruar në komisariat 8 persona si dëshmitarë okularë të ngjarjes.
Burime për Faxweb bëjnë me dije se arma e përdorur në atentat dyshohet të jetë një pistoletë me mulli. Ngjarja dyshohet e menduar paraprakisht.
Dyshohet se Mitron e kanë patur nën vëzhgime 2 persona të cilët lëviznin me makinë.
Gjatë arratisjes sëatentatorëve, ka dyshime të jenë ndihmuar nga persona të tjerë për t’u larguar nga vendi ku është djegur makina.
Mbi ngjarjen po hetohet pista e konflikteve të së shkuarës të Marjon Mitros.
