Portieri Entonjo Elezaj, ka vendosur të largohet nga Kukësi, teksa do të vazhdojë karrierën në Maltë.
Prej disa ndeshjesh ai nuk po grumbullohej nga trajneri Rrahman Hallaçi, i cili në sfidën e fundit i besoi Dashamir Xhikës dhe uli në stol portierin që ka luajtur më shumë titullar këtë sezon: Angelos Tafa. Elezajt iu bë e ditur se nuk është më në planet e klubit dhe duhet të gjejë një skuadër tjetër.
Tashmë lojtari do të luajë në Maltë, ku ka arritur marrëveshjen për të kaluar te skuadra e Sirens. Bëhet fjalë për një rikthim në Maltë për 24-vjeçarin, pasi në sezonin 2015-2016 ka qenë pjesë e Slimena Uanderers.
