David Domgjoni la Laçin dimrin e kaluar dhe kaloi te Menemenspor në Turqi, ku u bë menjëherë titullar stabël dhe tregoi vlerat e tij të mëdha.
Tani, që po bën afro një vit në klubin e njohur ai vazhdon të paraqitjet e tij të mira, teksa sot ka ndihmuar skuadrën e tij me një gol në fitoren 2-4 ndaj Altinordu për javën e 18 të Ligës së Parë në Turqi.
Mbrojtësi shfrytëzoi në maksimum shtatlartësinë e tij gjatë zhvillimeve të një goditje këndi dhe mundi të shënojë me kokë në minutën e 51, duke fiksuar shifrat në 1-2.
Ky ishte goli i parë i Domgjonit për këtë sezon, teksa regjistron edhe një asist. Me këtë fitore Menemenspor shkëputet nga zona e ftohte e renditjes, duke u renditur e 14-ta pas 18 javësh kampionat.
https://streamable.com/52cyar
