Sikur të mos mjaftojë ecuria e dobët në kampionat, Arsenali është eliminuar edhe nga FA Cup. Djemtë e Mikel Artetës u mposhtën 1-0 në fushën e Southampton.
Sfida u vendos nga një autogol në minutën e 24-t. Gabriel devijoi në portën e tij një top të ardhur nga krahu i djathtë. I pafat mbrojtësi brazilian dhe vendasit në avantazh.
“Shenjtorët” ia dolën të mbanin portën e paprekur dhe siguruan kualifikimin në raundin e 1/8 të FA Cup, ku do të përballen me skuadrën e Wolves.
Kujtojmë që Topçinjtë janë fituesit në fuqi të këtij trofeu teksa më 1 gusht 2020 mposhtën në finale Chelsea-n me rezultatin 2-1.
