Kryebashkiaku i Tiranës, Erjon Veliaj, ka reaguar sërish pas bërjes publike të përgjimeve të antimafies italiane, ku dy bosë të Nraghetas gjatë bisedës për pastrim parash në Tiranë, përmendin emrin e tij si garant për ‘investimin’ e tyre, për të cilën ai do tëmerrte 20 për qind.
Reagimi i dytë i Veliajt ka ardhur pas deklaratës së ish-deputetes së PD, Grida Duma, e cila i bëte thirrje SPAK-ut që të niste menjëherë hetimet.
Në reagimin e tij Veliaj bën të paditurin kur thotë se po njihet nga mediat për planet e magiozëve italianë në të cilat edhe ai vetë është pjesë.
Gjithashtu veliaj për tu bërë edhe më shumë bindës se s’ka lidhje me këtë ngjarje ka paditur në SPAK Grida Dumën, e cila sipas tij duhet të faktojë në gjykatë shifjet (sipas kryebashkiakut) e dala nga përgjimet e antimafies italiane.
Ja reagimi i Veliajt:
Po ndjek përmes shtypit, se si dëshirat e disa mafiozëve italianë për të bërë plane biznesi për Shqipërinë dhe dëshirat e PD-së që këto plane të jenë të vërteta, na janë bashkuar në gojën e një trafikanteje të njohur apartamentesh.
Kushdo që ndërton në Bashkinë e Tiranës ka një emër dhe mbiemër, kurse lejet e ndërtimit kanë dosje transparente për mënyrën e financimit. Dëshirat e mafias italiane për t’u futur në industrinë e ndërtimit janë dëshira të tyre dhe të PD-së. Ne nuk ndalojmë dëshira, por veprime konkrete!
E vërteta është se asnjë leje e Bashkisë së Tiranës nuk është e ndikuar nga grupe interesash, të lidhura me biznese të paverifikueshme. E vetmja gjë e paverifikuar për ne, mbetet se si Grida Duma u bë investitore pallatesh vite më parë, duke përfunduar në gjyqe për mashtrime dhe duke lënë burgjeve partnerët e saj në biznes.
I bëj thirrje Prokurorisë që të hetojë cilindo që tenton të flasë në emër të Bashkisë së Tiranës apo të çdo institucioni tjetër lidhur me histori të tilla.
Ndërkohë, Grida Duma do të duhet ta provojë në gjykatë shpifjen e saj të rradhës, njësoj si 7 herët e tjera kur zyrtarët e PD-së janë gjykuar e shpallur si shpifës nga drejtësia!
