Një aksident ka ndodhur këtë të Premte në aksin Elbasan-Peqin, pranë fshatit Vidhas.
Burime nga vendngjarja thanë se tre automjete janë përfshirë në një aksident. Nga pamjet e publikuara nga “BoldNews.al”, shihet se të paktën dy prej mjeteve të përfshira në aksident kanë pësuar dëmtime serioze.
Dyshohet po ashtu për të plagosur pasi makina ambulance janë parë në vendngjarje. Po ashtu, afektivë të forcave zjarrëfikëse janë filmuar teksa përpiqeshin të nxirrnin nga një prej automjeteve të përfshirë në aksident, një vajzë.
Policia ndërkohë, nuk ka ende një njoftim për ngjarjen.
