Ish-deputeti i PD, Bardh Spahia ka komentuar një foto të kryetares së Komitetit Teknik të Ekspertëve, Mira Rakacolli, duke u shprehur se ajo ka shkelur masat anti Covid.
Spahia thotë se Rakacolli minimalisht duhet të ishte shkarkuar pasi është e pafalshme që kryetarja e Komitetit të shkelë rregullat vetë e para.
Ai madje theksons e Rakacolli ka qenë në rresht të parë në një takim partie bashkë me Elona Gjebrean, ndërkohë që qytetarët gjobiten nëse ndodh diçka e tillë.
Në një postim në Fb, Spahia shkruan:
PARA PARTISË NUK VENË ASGJË!
Shkelin edhe rregullat që vetë predikojnë! Kjo është kryetarja e komitetit të ekspertëve, Mira Rakacolli në rresh të parë në një takim partie, bashkë me Elona Gjebrean, duke shkelur masat anti Covid që ka urdhëruar vetë! Pasi kuptuan se i nxorën bojën vetes, Gjebrea fshin foton! Pra ky është “reflektimi”, FSHEHJA, sic bëjnë për gjithçka.
E turpshme sesi qytetarët i mbysin në gjoba, opozitën e godasin, ndërsa vetë injorojnë ligjin! Ky është shteti që ka ndërtuar Edi Rama! Ky është modeli i tij! Për vete kulaçin, për qytetarët kërbaçin!
Minimalisht Mira Rakacolli sot duhej të ishte shkarkuar nga detyra! Eshtë e pafalshme që kryetarja e komitetit të ekspertëve për pandeminë Covid-19, të shkelë e para rregullat, për hir të partisë! Nëse një qytetar që shkel rregullat anti Covid gjobitet! Kur i shkelin këta, fshehin faktet duke fshirë fotot!
Ky model i pështirë nuk duhet duruar më! Më 25 Prill shqiptarët do zgjedhin qeverinë që u shërben, e jo atë që i gjobit ndërsa vetë është mbi ligjin! #25Prill#MePD
