Enea Jorgji do vendosë drejtësinë sot në derbin mes Partizanit dhe Tiranës. Elbasanasi është besuar nga Sektori i Gjykimit pranë FSHF-së për të arbitruar ndeshjen më të rëndëishme të javës. “Bilbili” nga Elbasani ka drejtuar dy herë Tiranën këtë sezon, në ndeshjen e parë të kampionatit në Korçë, aty ku bardheblutë triumfuan 2-0.
Ndeshja e dytë ku Jorgji ka gjykuar Tiranën ka qenë barazimi 1-1 me Vllazninë në “Selman Stërmasi”. Ndërkombëtari nuk e ka gjykuar asnjëherë Partizanin në këto 14 javë kampionat, ndërsa në tre ndeshjet që ka arbitruar në Superligë ka akorduar 17 kartona të verdhë.
Jorgji mban stemën e FIFA dhe nesër në 18:00 do ketë një detyrë jo të lehtë për të vendosur drejtësinë mes dy rivalëve që për dekada i kanë dhënë tonin futbollit shqiptar.
