Jennifer Lopez dhe Lady Gaga ishin dy nga artistet që performuan gjatë inagurimit të presidetit të 46-të të SHBA-ve, Joe Biden.
E para që që u ngjit në skenë ishte Lady Gaga e cila performoi me bandën e marinës amerikane himnin kombëtar.
Në këtë ditë speciale për Amerikën, Gaga kishte veshur një fustan të zi në pjesën e sipërme dhe i kuq e paksa i fryrë poshtë. Këngëtarja performoi me një mikron prej floriri dhe në xhaketën e saj kishte vendosur një pëllumb prej ari.
Pas saj, vëmendjen e të gjithë të pranishmëve e mori Jennifer Lopez, e cila performoi me “America the Beautiful”, pak pasi Kamala Harris bëri betimin e saj si zëvendës presidente. Lopez ishte veshur e gjitha me të bardha. Ndërkohë që ishte në skenë, Jennifer u shpreh në spanjisht: “Një komb, me liri dhe drejtësi për të gjithë”.
