Kjo e Mërkurë ishte dita e fundit e Donald Trump si President i SHBA-ve në Shtëpinë e Bardhë. Helikopteri “Air Force One” zbriti në oborrin e Shtëpisë së Bardhë, për të larguar prej aty Trump dhe bashkëshorten e tij Melanie.
Ndihmësit e presidentit janë fotografuar duke transportuar kuti. Trump u foli shkurtimisht gazetarëve ndërsa u largua, duke thënë se kishte arritur shumë në detyrë dhe se ai dhe gruaja e tij Melania e donin popullin amerikan.
“Kemi kaluar katër vite të mahnitshme dhe kemi arritur shumë. Ne e duam popullin amerikan dhe ka qenë diçka shumë e veçantë”, tha Trump.
“Në një lloj forme, do të kthehem. Shihemi së shpejti”, theksoi Trump.
Pas ceremonisë në bazën ushtarake ai do të fluturojë për në Florida në vendpushimin e tij Mar-a-Lago.
Trump theu traditën e gjatë presidenciale duke mos marrë pjesë në inaugurimin e pasardhësit të tij, Joe Biden, që do të zhvillohet po sot.
Ky udhëtim i fundit zakonisht quhet “Mision Ajror i Veçantë”. Paraardhësi i Trump, Presidenti i 44-të Barack Obama, u largua nga Uashington në një fluturim të njohur zyrtarisht si Misioni Special Ajror 44.
