Ben Affleck dhe e dashura e tij, Ana de Armas, raportohet se janë ndarë sipas Us Weekly.
“Ndarja ishte miqësore, por Ana ishte ajo që kërkoi ndarjen. Ben dhe Ana kanë bërë një lëvizje në lidhje me jetën e tyre. Të dy nuk mund të zgjidhnin çështjet dhe kanë vendosur t’i japin fund marrëdhënies së tyre”- ka thënë një burim pranë Us.
Fituesi i ‘Oscar’, 48 vjeç, dhe aktorja, 32 vjeçe, xhiruan “Deep Water” së bashku përpara se të ndiznin thashetheme për romancë.
Dyshja filluan lidhjen në mars të vitit 2020 gjatë një udhëtimi për në Kubë. Të njëjtit më vonë u panë krah njëri-tjetrit edhe në Kosta Rikë. Affleck dhe de Armas zyrtarizuan romancën e tyre në rrjete sociale në prill të vitit 2020, kur aktorja po festonte ditëlindjen e saj.
