Policia arreston në flagrancë për veprën penale “Vrasje nga pakujdesia”, shtetasin Viron Dukaj, 59 vjeç, banues në Vlorë.
Policia ka bërë arrestimin e këtij shtetasi për arsye se para dy ditësh, rreth orës 13:20, në lagjen “10 Korriku”, shtetasi Viron Dukaj, pas një konflikti për motive të dobëta, duke qenë nën efektin e pijeve alkoolike, ka goditur me grusht të fortë në pjesën e fytyrës, shtetasin Th.Gj., 53 vjeç, banues në Vlorë, i cili ka rënë në tokë pa ndjenja.
Shtetasi i dëmtuar ka marrë ndihmën e parë mjekësore në Spitalin Rajonal dhe është kthyer në banesë pa probleme.
Dje, rreth orës 01:30, gjendja shëndetësore e tij në banesë është përkeqësuar dhe është dërguar nga familjarët në Spitalit Rajonal, por gjendja e tij është rënduar më shumë dhe rreth 1 orë më vonë, spitali ka konfirmuar vdekjen e tij.
