Kryetari i Aleancës Kosova e Re, Behgjet Pacolli, është ftuar të jetë pjesëmarrës për rastin e inaugurimit të presidentit të 46-të të SHBA’së, Joe Biden.
Diçka të tillë ka bërë të ditur zëdhënësi i tij, Naim Murseli, me anë të një postimi në llogarinë e tij në ‘Facebook’.
“Javën e kaluar kam pranuar ftesën e z. Behgjet Pacolli dhe zonjës Pacolli për inagurimin e Presidentit Joe Biden, në të cilin ishin të ftuar si mysafirë nga miqtë tonë demokrat. Miqësia jonë me Shtetet e Bashkuara është një dhuratë nga Zoti!”, ka deklaruar ai.
” Jo, kesaj radhe nuk mund te marre pjese z. Pacolli”, deklaroi Murseli, pa bërë me dije ndonjë detaj tjetër.
Ftesë për rastin e përcjelljes së ceremonisë mori edhe ish-deputeti i LDK’së, Faton Bislimi. I njëjti refuzoi pjesëmarrjen, për arsye të vendosjes së protokolleve të reja për parandalimin e transmetimit të koronavirusit nga SHBA’ja.
Demokrati Biden do të inaugurohet si presidenti i 46-të i SHBA’ve të mërkurën.
