Modelja dhe këngëtarja, Kleoniki Delijorgji, e ftuar të shtunën e kaluar në emisionin “Shiko kush luan”, tha se sipas saj modelja më e mirë shqiptare është Emina Çunmulaj. Ndërsa për modelen “kota biskota” zgjodhi Alesia Bamin.
Ditën e djeshme, dy vajzat janë përballur në rubrikën “Trotuar”, ku kanë sqaruar deklaratën e Kleonikit.
“Unë nuk kam asgjë me ty, nuk kam asgjë me asnjë femër. Nuk dua të ul asnjë femër tjetër që unë të dukem më mirë. Por, aty mu bë një pyetje dhe duhet të përgjigjesha sepse nuk doja të merrja tortën fytyrës. Ti mund të jesh shumë e mirë, por për mua nuk je modele”- deklaroi Kleoniki.
Alesia e pranoi se nuk është modele, duke treguar se pjesë e botës së modelingut ka qenë vetëm për dy vite, nga mosha 13 vjeç deri në 15 vjeç. Megjithatë, nuk e kurseu një batutë, që më shumë u duk si ironi.
“Unë modelingun e kam nisur 13 vjeç kur nuk i kam patur këto format që kam sot dhe e kam mbyllur 15 vjeç, kështu që unë tani nuk jam më modele. Megjithatë, doja të të pyesja këtë mendimin e kishe personal, apo u konsultove edhe me engjëjt?”-ia ktheu Alesia.
