Gledion Rehovica, ish-deputet i Lëvizjes Socialiste për Integrim, vendos të largohet nga kjo parti për t’ju bashkuar Partisë Socialiste.
Është vetë Rehovica që përmes një prononcimi për mediat thotë se ka vendosur të largohet nga kjo forcë politike pasi “eksperimenti i LSI-së ka përfunduar”.
“LSI ekziston si një klub në Tiranë që mbush televizionet me sharje. Eksperimenti i LSI-së ka mbaruar. Berati ka nevojë për progres. Tek LSI nuk kam vajtur me tender e nuk po iki me tender tek PS”, tha Rehovica.
Disa ditë më parë, ish-ministri Nasip Naço vendosi të linte LSI-në dhe t’i bashkohej PS-së.
