Jennifer Lopez është padyshim shembulli perfekt se mosha është thjesht një numër. Përveç rutinës së bukurisë që ndjek, Jennifer është shprehur se për një grua është shumë e rëndësishme që të kujdeset për atë çfarë ndodh brenda saj së pari, që të duket e bukur dhe jashtë.
Diva 51-vjeçare ka treguar për revistën “Elle” 5 trajtime bukurie, pa të cilat nuk mundet të jetojë. Ato përfshijnë gjumin, kremin e diellit, serumet, suplementet dhe të pasurit një jetesë të shëndetshme.
Ajo ka thënë se në vend që të harxhojë shuma të mëdha parash në produkte kozmetikë, preferon që të përdorë suplemente natyrale që e bëjnë lëkurën të shëndetshme. Gjithashtu ka thënë se tregohet shumë strikte me dietën e saj, duke i kushtuar shumë rëndësi se çfarë konsumon.
