Pavarësisht problemeve të shumta që sollën reshjet e fundit të dendura të shiut në vend, me sipërfaqe toke nën ujë e rrugë të bllokuara edhe sot, kryeministri Edi Rama flet për sukses.
Në një konferencë për mediat, apostafat për të folur për përmbytjet, Rama tha se situata u menaxhua siç duhet nga autoritetet, ndërsa shtoi se kur në të kaluarën kanë rënë të tilla reshje, situata ka qenë shumë herë më e rënduar.
Kreu i qeverisë la të kupohet se “pa punën e mirë të autoriteteve”, situata mund të ishte më e rënduar.
“Nuk bën lajm çfarë nuk ndodh, qeveritë vlerësohen jo vetëm për aë që bëjnë, por dhe atë që nuk lejojnë të ndodhë. Bazuar në sasinë e reshjeve me të cilat në jemi përballur këtë herë dhe në shifra krahësimore të sasive të reshjeve në momentet shumë kritike të së shkuarës, ku reshje më të paktë kanë sjellë situatë katastrofike. Situata ka qenë kritike nga liqeni i Shkodrës deri në Vjosë. Përballimi ka qenë për tu qetësuar. Është e pakrahasueshme situata e përmbytjeve e atyre momenteve ku pa patur reshje në të shkruarën me sot. Shifrat dhe faktet janë të pakrahasueshme. Kjo lidhet me punën e bërë. Çështja e Kaskadës së Drinit lidhet me mungesën e Skavicës. Deri sa të jetë balancuesi i kaskadës, sfida kryesore është ajo e menaxhimit dhe ne e kemi fituar. Ne e kemi fituar këtë herë këtë sfidë fal ëvëmëndjes së kushtuar dhe aftësisë profesionale”, deklaroi Rama.
