Myrto Uzuni mes më të mirëve në futbollin hungarez. Nemzeti Sport Online ka bërë një sondazh në rrjetet sociale rreth formacionit më të mirë të futbollit hungarez.
Tifozët kanë votuar dhe Uzuni është pjesë e më të mirëve. Ajo që bie në sy është dominimi i Ferencvaros, që numëron 8 lojtarë në formacionin më të mirë.
Sulmuesi i kombëtares shqiptare, u transferua nga Lokomotiva e Zagrebit te Ferencvaros në muajin gusht. 1.8 milion euro paguan kampionët e Hungarisë në arkat e kroatëve, teksa përfitoi edhe Laçi, që kishte ruajtur një pjesë të kartonit.
Përshtatja me Ferencvaros ndodhi shpejt dhe 25-vjeçari nga Berati ka shënuar gola të rëndësishëm për ekipin.
