Një banesë është përfshirë nga flakët në Luz të Kavajës këtë të Martë, ndërsa një i moshuar ka përfunduar në spital pas djegieve që ka marrë.
“Rreth orës 12:40, në fshatin Luz i Vogël – Kavajë, ka marrë flakë banesa e shtetasit Sh T., 94 vjeç. Si pasojë e zjarrit ka marrë dëmtime në trup shtetasi Sh.T., i cili u dërgua për mjekim në spital dhe ndodhet nën kujdesin e mjekëve”, njoftoi policia.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes, shtuan të njëjtat burime.
