Sportistja Daria Valeryevna Shkurikhina nuk arriti të kuptojë se shtëpia e saj po merrte flakë pasi ajo nuk e nuhaste tymin për shkak se ishte e infektuar me koronavirus.
30-vjeçarja humbi shtëpinë e saj në flakë më 7 janar, në Krishtlindjet Ortodokse Ruse, në qytetin e Nizhny Novgorod.
Mediat ruse raportojnë se në momentin që Daria kuptoi se kishte rënë zjarr, kishte vrapuar jashtë duke bërtitur për ndihmë.
Shkaqet e rënies së zjjarrit nuk janë konfirmuar, por Daria u tha autoriteteve se në atë kohë kishte një qiri të ndezur në dhomën e saj të gjumit.
